Orkubúið er komið á facebook og Twitter

1. október 2013 kl. 15:32

Orkubú Vestfjarða opnaði nýverið vefsíður á samfélagsmiðlunum facebook og Twitter. Markmiðið með vefsíðunum er að auka þjónustu við viðskiptavini fyrirtækisins og veita innsýn inn í margbreytilega starfsemi þess, sem borin er uppi af kraftmiklu og reynslumiklu starfsfólki.

Öllum tilkynningum Orkubúsins er varða bilanir og straumrof er miðlað inn á vefsíðurnar. Þannig geta viðskiptavinir notað snjallsíma og spjaldtölvur til að fá skjótan aðgang að upplýsingum um leið og þær berast.

Vefsíðurnar eru vaktaðar af starfsfólki Orkubúsins sem svarar öllum fyrirspurnum sem berast í gegnum þær.

Til baka | Prenta