Orkubú Vestfjarða leitar að starfsmanni til að stýra öflugum vinnuflokki sem er með höfuðstöðvar á Hólmavík. Starfssvæðið er stórt, allt frá Hrútafjarðarbotni, norður Strandir í Árneshrepp, Reykhólahreppur og Ísafjarðardjúp að hluta.
Viðkomandi mun stýra samhentum vinnuflokki veitusviðs Orkubús Vestfjarða sem hefur sínar höfuðstöðvar á Hólmavík. Fram undan eru stór verkefni á svæðinu. Orkubúið stefnir að byggingu nýrrar virkjunar í Selárdal í Steingrímsfirði á næstu árum, auk þess sem áfram er unnið að því að færa dreifikerfi Orkubúsins úr loftlínum í jarðstrengi.
Starfið er mjög fjölbreytt og kemur svæðisstjóri að skipulagningu allra verkefna á svæðinu sem snúa að nýframkvæmdum, viðhaldi og endurnýjun í dreifikerfum.
Helstu verkefni og ábyrgð
- Dagleg stjórnun verkefna.
- Gerð framkvæmdaáætlunar í samráði við framkvæmdastjóra veitusviðs.
- Verkefnastjórnun og samskipti við hagaðila.
- Stjórnun vinnuflokks veitusviðs.
- Önnur tilfallandi verkefni.
Menntunar- og hæfniskröfur
- Sveinspróf í rafvirkjun.
- Rafmagnstæknifræðingur, eða sambærileg menntun sem nýtist í starfi.
- Reynsla af veitustarfssemi er mikill kostur.
- Reynsla af verkefnastýringu.
- Leiðtogahæfni og hæfni í mannlegum samskiptum.
- Frumkvæði, jákvæðni og metnaður í starfi.
- Færni í skipulagningu verka ásamt skipulögðum vinnubrögðum.
- Geta til að vinna sjálfstætt sem og í hópi.
- Góð almenn tölvukunnátta.